بريوات بالقيمرون والشعرية الصينية

المقادير

ـ نصف كيلو من ورق البسطيلة
ـ نصف كيلو قيمرون
ـ كيس متوسط من الشعرية الصينية المصلوقة بالماء اللي تصلق فيه القيمرون ومصفية
ـ بصلة كبيرة مقلية ومحمرة في الزيت
ـ القزيور والعدنوس والثومة مدقوقين "حسب الخليط"
ـ علبة شومبنيون
ـ شوية ديال الزبدة
ـ زيت العود
ـ ملح + ابزار + تحميرة + شوية ديال + كنور الحوت+ الحار - حسب الرغبة-

الطريقة

ـ يصلق القيمرون مع شوية الملح ويصفى ويقشر
ـ تصلق الشعرية الصينية في نفس الماء اللي صلقنا فيه القيمرون وتصفى
ـ في مقلاة نضع زيت العود + شوية الزبدة + القزيور والمعدنوس والثومة+ ملح +ابزار + التحميرة +كنور ديال الحوت + الشومبينيون + الشعرية الصينية.
ـ في مقلاة أخرى يطهى القيمرون مع شوية الملح والزبدة مع التحريك لمدة دقيقة أو 2
تخلط كل العناصر جيدا ثم نقطع ورق البسطيلا إلى شرائط صغيرة، وسط كل شريط يوضع شوية ديال الخليط ليطوى على شكل بريوة صغيرة.