هي بحال الخبز المخموس في البيض لي تنديرو منين تيكرم عندنا الخبز ديال الدار و تنقليو ولكن بطريقة زويييينة و حلوة
المقادير:
الخبز بارد ماشي قاسح ولا عاد طاب
المهم الخبز لي تيبقا لينا في الاخير قابل للأكل ولكن بارد ما مسخنش
الحليب حسب الكمية ديال الخبز لي باغا تعملي (من كأس للفوق) المهم الخبز ديالك كلو يفزك بالحليب و
البيض حسب الكمية كذلك
سنيدة حسب الذوق
(كلشي حسب حسب ما عندي حتى المقادير هما هادوك هههههههه)
خنيشة فاني
المكسرات لي عندك في الدار
الزنجلان
اللوز
الكاوكاو
النافع
المهم لي عندك و تيعجبك ديريه
و قبيييييصة الملحة باش تحيدي لحلاوة ديال السكر شوية
و الزبدة
الطريقة:
الخبزة تتقسميها على 2 و تاخدي النصف ديالها و تقطعيه شرائح رقيييييييييييقة
و تديرية في المول ديال الكيكة لي عندك تستفيه فيه من بعد ما تكوني دهنتيه و مزيالن الزبدة على جناب المول و كثري و بالغي في الزبدة مزيان لانه يقدر يلسق ليك داكشي
في هاذ الأثناء
خلطي الحليب مع البيض و المكسرات و السكر و الملحة و فاني
مزيان
و صبيه على الخبز لي ستفتي في المول
ودخلي للفران
تتنفخ و ننحمر و تطيب و بصحة و الراحة
الخميس يوليو 16, 2015 10:27 pm من طرف 
موضوع: شنو ندير بالخبز البارد؟ 
[b]السلام عليكم