دجاج الاعراس و المناسبات............كيحمر الوجه

طريقة اولى
كتشرملي الدجاج أخصو 5سوايع على الاقل فشرمولة
الشرمولة هي :
مثلا 4 دجاجات كلا وحدة ديال 2كيلو
معلقة كبيرة خرقوم+معلقة كبيرة سكينجبير معلقة لبزار لبيض مشي لكحل والى ماكانش بلاش
الزعفران الحر مدقوق مع الملح+ملعقة كبيرة من الملح+كاس كبير من الحامض+كوزة محكوكة
2معالق كبار من السمن كاس من الماء 4 معالق كبارمعدنوس مدقوق
4فصوص ثوم مدقوقين
حكي الدجاج مزيان تحت من الجلد وبين لفخاض
اوربطيه يعني كتفي الدجاج كامل
بحاللا كتكمطي التريبية طبعا بالخيط الابيض
ندوز لنصيب : 2بصلات بالنسبة لربعة ديال الدجاجات الا زدتي الدجاج زيدي البصلة كل دجاجة بصلة صغيرة

قلنا البصلة مشلضة+2كيسان كبار من زيت الزيتون+4معالق كبار من السمن+سكينجبير +رزيمة ديال الاعشاب المنسمة ضرو ري
الي هي : نويويرة، بسيبيسة، قعقلة، شوي ديال الزعتر، القرفة عواد
ديري رزيمة صغيرة من هاد الاعشاب
حطي الدجاج ديالك في الطنجرة
نقصي للفورنو مزيان وغلي لتر من الماء وحطيه
بقاي كتحركي الدجاج وتقلبيه على جنباتو
الجنب الي قلبتيه عليه خليه ياخد شوي لون وانت غالقة عليه
عاد قلبيه عوتاني
منبعد خوي عليه الما وخليه يطيب على نار هادئة
كيطيب الدجاج نحيدوه نستفوه فشي لاطا ونغطيوه بلميكة ونخليوه يبرد على خاطرو عاد نحيدوليه الخيط ..كلت حتا يبرد مزيان
ندوز لدغميرة
قطعي الكبدة ديال الدجاج وشحريه فشي مقلة بزيت العود غي ششوي
وخويه فهديك المرقة وحيدي الرزيمة ديال الأعشاب
عصري نص كاس من الحامض وخليه حداك من بعد بقاي كتشحري في المرقة على نار متوسطة متوقفيش التحراك حتي تولي حمرة مجمرة كتكتك بالزيت.. زيدي الحامض وحركي ششوي
خصك تحركي الطنجرة في التحراك
يعني يمين يسار متخليش الدغميرة تلسق باش نعرفك حادقة
دجاج غادي يكون برد وحيدتيلو الخيط دهنين بسمن
وزعفران الحر باش يكون لون اصفر
ودخليه يتحمر في الفرن والى بغيتي قليه أنا مرة تنقليه مرة في فران بجوج تجيو زوينين
وتقديمه بذوقك انا كنقدمو في الاغلبية
مزين بالزيتون الاحمر ولمصير ودغميرة مع الجناب


طريقة 2


حاجتنا دجاجة تكون كبيرة شوية و تكون مغسلولة مزيااان ليلة قبل و تكون
مدهونة بالملح و نخليوها فيها ليلة كاااملة و لغد ليه عاد غنطيبوها
بصلة كبيرة
حزمة صغيرة ديال الربيع
نص حامضة مصيرة ناخدو منها غير اللب و القسرة نخلسوها للتزين
شوية السمن و الزعفران حر
شوية الابزار و السكين جبير و الملح و التومة مدقوقة تقريبا شي 3 ديال التومات
شوية الزيت البلدية أو العادية


الطريقة

ناخد الربيع مقطع و لب الحامض و التومة مدقوقة و الملون العدائي و شوية الابزار
و سكين جبير و شوية الماء باش نخلطو هاد العناصر
و ناخدو الدجاجة نشللوها
مزيااان من الملح عاد ندهنوها بالتشرميلة و خاص الدجاجة تدهن مزياان بالملون
الغدائي بيه باش في التحمار يخرج لون زوين
و نخليوها شوية تشرب
***في الشرمولة نديرو شوووووووووية الملح صاافي منكتروش ***
و منين تشرب شوية نديروها في كاملية من الاحسن و متكونش وااااسعة بزاف
***منسدوووش عليها في الكوكوط ***
و تشلض عليها البصلة و نزيد اللي بقا من الشرمولة و نزيد الزعفران
***الزعفران نديروه في المرق ***
شرمولة تنديرو الملون الغدائي و نزيدو الزيت البلدية و شوية الابزار و سكين
جبير منقليو ما والو فقط نزيدو الماء الكافي تقريبا حتى تبدا تغطا
الدجاجة
و لكن الكاملية موسعاش بزااف يعني مغنهزش لينا الماء بزاف
غتكون ضيقة شوية باش الماء اللي غنديرو غيغطي شوية الدجاجة
بلا ميكون الماء كتير بزااااف
نتمنى تكونو فهمتو هاد النقطة
و الملح منديروهش في المرق و نسدو الكميلة بي غطاء نكرر
ماشي كوكوط يعني منسدوش عليها بحال الكوكوط بلا طيبنا في
الكوكوط فقط نحطو الغطاء عليها بلا منقفلو
باش متحلش الدجاجة
و نشعلو البوطة و نخليوها حتى طيب و نحطوها بطريقة
أن الصدر هو اللي غيجي من التحت و الضهر من الفوق منين
دوز تقريبا نص ساعة نهزو الغطاء و نخشيو الموس في الفخد
و الا خرج الماء راها مزال مطابت و الا مخرجش راها طابت
و ردو البال الرق ديمة خاصو يكون كتير شوية باش متلصقش الدجاجة
المهم منين طيب نهزو دجاجتنا و ندخلوها للفرن تحمر من بعد
مدهناها بالزبدة أو نقليوها في الزيت بحال الاعراس و تتجي ألد
***طريقة باش نهزو الدجاج من الطاوة هي ناخدة شي
مغرفة كبيرة ديال العود و نخشيو اليد ديالها في بطن الدجاجة
من جيهت العنق و نحزوها ***
لاخضو في الطاوة بقا لينا المرق كتير شوية نزيدو فيه عنق
و الجوانح و الكبدة و القلب و الكنصة و نغطيوها حتى يطيبو
و يختار مرق عاد ندوقو الملح الا خاص نزيدو شوي
و منين تتحمر الداجاجة نحطوها في الطبسيل
و نزيدو لاصوص و نزينو بقشرة الحامض و الزيتون
بالصحة و الراحة


هادو هما جوج طرق

chokran laki 3ala almajhod dyalak

لقد اعجبتنى طريقة تحضير دجاج المناسبات لقد كان رائع جدا الله يعطيك الصحة