كيكة لمنمرة

المقادير
4 بيضات
كاس عنبة سنيدة
كاس عنبة زيت
2 خمارات
1 ياغورت فاني او بنان
4 معالق كبار كاكاو غبرة
200 غرام دقيق مقسومة على 2 كل نصف فيه 100 غرام
100 غرام الاولى نقصو منها 2 معالق كبار دقيق و نزيدو عليها 4 معالق كاكاو
100 غرام الثانية نزيدو عليها 2 معالق دقيق اللي نقصنا من الاولى و هكذا غدي يولي عندنا القسمين مقادين (يمكن نعاودو نعبروهم باش نتاكدو انهم قد قد)
الطريقة
نطربو البيض مع السكر مزيان بالباطور حتى يولي الخليط ابيض ثم نبداو نزيدو الزيت على شكل خيط مع التطراب بالباطور ثم نزيدو دانون و نخلطو مزيان و نقسمو الخليط على 2 اقسام مقادين
خليط نزيدو عليه الدقيق باش يبقى ابيض و خليط نزيدو عليه الدقيق مع الكاكاو باش يولي بني نستعملو غير الضراب او الملعقة ثم نزيدو خمارة حلوى لكل خليط و نخلطو و ناخدو مول مدهون بالزبدة و مرشوش بالدقيق و نبداو نحطو ملعقة بيضاء و حداها ملعقة بنية حتى نكملو ثم ندخلو المول للفران حتى تطيب الكيكة و تتحمر و نخرجوها